“Почитувани граѓани на општина Бутел,
Денес на барање на општина Бутел, Владата на Република Македонија обезбеди 110.000.000 денари за реализирање на еден од најголемите капитални проекти – водоснабдување на селата Љубанци и Љуботен со чиста вода за пиење од градскиот водовод.
Благодарност до претседателот на Владата на Република Македонија Христијан Мицкоски, до вицепремиерот и министер за транспорт Александар Николовски за големата поддршка кои ни ја дадоа за реализација на овој исклучително значаен проект.
Благодарност и до жителите на селата Љубанци и Љуботен кои ни даваат голема поддршка и ја видоа нашата искрена заложба за овој проект конечно да се реализира.
Општина Бутел во изминатиот период работеше на комплетна проектна документација за која издвои 4.000.000 денари.” – градоначалник Дарко Костовски.
